الرئيسية / أخبار مهمة / باسيل يعلن التصويت لأزعور في أي جلسة انتخاب قادمة.

باسيل يعلن التصويت لأزعور في أي جلسة انتخاب قادمة.

 

*”التيار” بِتَمَوضُع جديد: لا في الممانعة ولا في المواجهة!*

*رئيس التيار الوطني الحرّ النائب جبران باسيل من جبيل بحضور الرئيس ميشال عون:*

🔺‏ما حدا منا اكبر من المؤسسة – ولمّا حدا بيضهر عن قراراتها وبيعتقد انّه اكبر منها، هي بتردّ الشخص لحجمه وبتفرجيه انّها اكبر منه.

🔺لمّا مناخد قرارنا، منصير كلّنا مسؤولين عن نجاحه وتنفيذه، ويلّي بيشعر حاله على تناقض مع القرار ومش قادر يلتزم فيه، الحريّة بتفتحله الباب.

🔺‏صحيح انو لا اكراه بالدين، بس كمان لا اكراه بالسياسة

🔺انا بعرف منيح صلاحيّاتي كرئيس بتيار نظامه رئاسي والرئيس فيه عنده صلاحيات واسعة بالتقرير لوحده، ولكن عم بتنازل عنها لصالح كتير من من التشاور والديمقراطية، وهيك منيح.

🔺نحنا مش ضعاف لا داخل التيار ولا خارجه، وما حدا بيمسكنا بإيدنا يلّي بتوجعنا لأن في عدّ اصوات بانتخابات الرئاسة – صوت التيار هو اقوى واعلى من الكل.

🔺انا ما ترشّحت لحتّى جنّب التيار مزيد من الأذى والقهر.

🔺نحنا واقفين بالمكان يلّي منقدر نجمع فيه بين كل اللبنانيين، وما نكون لا بفريق الممانعة ولا بفريق المواجهة، ونكون بخيار ثالث مستقل ونتحرّر من اي اصطفاف.

🔺همّنا وصول رئيس جمهورية بيناسب المرحلة. وندعمه لينجح ونخلّص نحنا واياه البلد، من دون ما يكون مرشّحنا ونحمل اخطاءه اذا فشل

🔺‏صار معروف انّو نحنا تقاطعنا مع كتل نيابية اخرى على اسم جهاد ازعور من بين اسماء اخرى اعتبرناها مناسبة وغير مستفزّة نحنا اعطينا موافقتنا عليها وعدم ممانعتنا لوصولها وهم اختاروا واحد منها؛ ونحنا رأينا انّو يصير التقاطع على اكثر من اسم لمزيد من المرونة، ولأن ما بيجوز يتّفقوا المسيحيين على اسم وما يوصل.

🔺وهالتقاطع يؤدّي للتصويت له في حال دعينا الى جلسة انتخاب بدل التصويت بالورقة البيضاء واكيد مش التصويت للمرشّح الآخر

🔺التقاطع على اسم لا يكفي، إنما المطلوب التوافق مع الجهة الأخرى من دون تحديها من خلال مقاربة الانتخاب وبرنامج العهد

🔺الصراع الباقي هو مع اسرائيل، وبهيدا الصراع نحنا جزء من المشرق العربي، ومنريد السلام ولكن ما منقبل الاستسلام.
السلام من دون حقوق وعدالة ما بيكون سلام.
السلام من دون دولة فلسطينية حرّة ما بيكون سلام.
السلام من دون حق العودة للفلسطينيين ما بيكون سلام.

🔺من ضمن هالمعادلة منعتبر المقاومة حق لكل اللبنانيين وعنصر قوة للبنان.

🔺واذا فيه خلاف حول قرار الحرب والسلم، منتحاور ومنقرّر سوا كلبنانيين على افضل استراتيجية دفاعية بتحمي لبنان، بس ما منتنازل عن الحق بالمقاومة ولا عن عنصر قوّة للبنان طالما بعد عنا ارض محتلّة وسيادة مغتصبة ولاجئين ما رجعوا.

🔺بيبقى بينقصنا عنصر القوّة الأهم وهو الدولة يلّي مش ممكن تتعايش مع الفساد ومش ممكن نقبل بأولوية اي حسابات مذهبية او اقليمية على حساب مشروع بناء الدولة.

🔺غالب ومغلوب بتصحّ بالحرب لغاية ما ينتهي الصراع، وبمرحلة البناء لازم الكل يربحوا وما يخسر حدا

عن كاتب

شاهد أيضاً

اعتقال ضابط لبناني كبير بشبهة التورط مع عصابة مخدرات

  المصدر: جريدة الأنباء الكويتية وضع القضاء العسكري في لبنان يده على قضية مهمة تتعلق …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *